Sverrir Ingi Ingason var á skotskónum fyrir PAOK þegar liðið fékk Olympiacos í heimsókn í toppslag grísku úrvalsdeildinni í knattspyrnu í kvöld.
Leiknum lauk með 1:1-jafntefli en Sverrir Ingi kom PAOK í upphafi síðari hálfleiks á 51. mínútu og hefur nú skorað í tveimur leikjum liðsins í röð.
Olympiacos tókst að jafna metin á 77. mínútu með marki frá Ousseynou Ba og lokatölur því 1:1 í Grikklandi.
Sverrir Ingi lék allan leikinn í hjarta varnarinnar hjá PAOK en liðið er með 32 stig í þriðja sæti deilldarinnar.
Olympiacos er í efsta sætinu með 42 stig en Ögmundur Kristinsson sat allan tímann á varamannabekk Olympiacos í leiknum.