Stórveldin ráða ekki við Gladbach
Setja bókamerki
Borussia Mönchengladbach er ekki fyrirsjáanlegasta liðið í knattspyrnunni á meginlandi Evrópu þennan veturinn og í kvöld skellti liðið Borussia Dortmund 4:2 í þýsku 1. deildinni.
Norska ungstirnið Erling Braut Håland skoraði tvívegis fyrir Dortmund og kom liðinu yfir 2:1 en það reyndist ekki nóg. Nico Elvedi skoraði einnig tvívegis fyrir Gladbach og þeir Ramy Bensebaini og Marcus Thuram sitt markið hvor.
Með sigrinum fór Borussia Mönchengladbach upp í 4. sæti deildarinnar og er með 31 stig eftir 18 leiki en Dortmund er í 5. sæti með 29 stig eftir 18 leiki. Evrópumeistararnir í Bayern München eru á toppnum með 39 stig eftir 17 leiki.
Mönchengladbach hefur í janúar unnið bæði Bayern og Dortmund á heimavelli í deildinni og skorað samtals sjö mörk í þeim leikjum. Liðið virðist því mjög öflugt á góðum degi en stöðugleikinn var ekki fyrir hendi fyrir áramót.
Liðið mun mæta Manchester City í 16-liða úrslitum Meistaradeildarinnar en Gladbach átti ótrúlega leiki inni á milli í keppninni fyrir áramót og vann til dæmis Shakht Donetsk 6:0 í Úkraínu.
Aukin tíðni þungunarrofa hjá yngsta aldurshópnum
„Ert þú þá svona latte-lepjandi hjólagaur?“
Sat á þaki byggingarinnar þegar eldurinn kviknaði
Stóraukið fé til samgöngusáttmála
Þrjú og hálft ár fyrir skotárás í Úlfarsárdal
„Það er skiljanlegt að þolinmæði þeirra sé lítil“
Benda á Samgöngustofu sem bendir út í heim