Glæsilegt sigurmark frá Giroud - Bayern ekki í vandræðum

Glæsilegt mark frá Olivier Giroud færði Chelsea dýrmætan útisigur, 1:0, á Atlético Madrid í sextán liða úrslitum Meistaradeildar Evrópu í fótbolta í kvöld og Evrópumeistarar Bayern München unnu auðveldan útisigur gegn Lazio í Róm, 4:1.

Giroud skoraði markið á 70. mínútu með gullfallegri hjólhestaspyrnu. Markið var fyrst dæmt af vegna rangstöðu en eftir skoðun í tvær mínútur var það dæmt gilt þar sem boltinn fór af leikmanni Atlético til hans.

Leikurinn fór fram í Búkarest þar sem ensk félög mega ekki koma til Spánar af sóttvarnaástæðum. Síðari leikur liðanna fer fram í London um miðjan mars.

Bayern gerði nánast út um einvígið gegn Lazio með því að komast í 4:0 eftir aðeins 50 mínútna leik. Robert Lewandwski, Jamal Musiala og Leroy Sané skoruðu fyrir hlé og Lazio gerði sjálfsmark í byrjun síðari hálfleiks. Joaquín Correa náði að laga stöðuna strax fyrir Lazio en ljóst er að möguleikar ítalska liðsins í seinni leiknum í Þýskalandi eru afar litlir.

Lýsing uppfærist sjálfkrafa

Allar lýsingar í beinni

Atlético Madrid 0:1 Chelsea opna loka
90. mín. Uppbótartíminn er 6 mínútur
mbl.is