Jákvæðar fréttir af landsliðsfyrirliðanum
Setja bókamerki
Aron Einar Gunnarsson, landsliðsfyrirliði Íslands í knattspyrnu og leikmaður Al-Arabi í katörsku úrvalsdeildinni, verður að öllum líkindum orðinn leikfær miðvikudaginn 3. mars þegar Al-Arabi heimsækir Al-Sailiya í katarska Emír-bikarnum.
Þetta staðfesti Freyr Alexandersson, aðstoðarþjálfari Al-Arabi, í samtali við mbl.is í dag en Aron Einar meiddist í upphitun fyrir leikinn gegn Al-Sadd á útivelli í gær.
Leiknum lauk með 3:2-sigri Al-Sadd en Al-Arabi komst tvívegis yfir í leiknum áður en Al-Sadd jafnaði metin á 90. mínútu og Santi Cazorla skoraði sigurmarkið í uppbótartíma.
„Aron festist í hálsinum í upphitun og gat og getur ekki hreyft sig alveg eðlilega eins og staðan er í dag,“ sagði Freyr í samtali við mbl.is.
„Þetta er ekkert alvarlegt og mun ekki hafa nein áhrif á landsleiki Íslands í undankeppni HM í næsta mánuði.
Þetta mýkist vonandi upp í vikunni og vonandi endurtekur sig þetta ekki. Við reiknum með því að hann verði klár í bikarleikinn gegn Al-Sailiya 3. mars,“ bætti Freyr við í samtali við mbl.is.
Vélsleðaslys: Þyrlan kölluð út á mesta forgangi
„Á réttri leið en nokkuð í land ennþá“
Eyjafjarðarbraut lokað vegna alvarlegs umferðarslyss
„Okkur miðar í rétta átt“
Árshátíð ríkislögreglustjóra haldin í Tékklandi
Handteknir eftir myndatöku í Vesturbæjarlaug
Tóku upp hanskann fyrir leikskólabörn