Benzema kom Real til bjargar í grannaslagnum

Luiz Suarez skoraði mark Atlético Madrid í grannaslagnum í dag.
Luiz Suarez skoraði mark Atlético Madrid í grannaslagnum í dag. AFP

Grannarnir í Atlético Madrid og Real Madrid skiptu með sér stigunum er þeir mættust á heimavelli Atlético í toppslag í spænsku 1. deildinni í fótbolta í dag en lokatölur urðu 1:1. 

Luis Suárez kom Atlético yfir strax á 15. mínútu og var staðan í hálfleik 1:0. Þannig var hún allt fram að 88. mínútu þegar Karim Benzema jafnaði fyrir Real og þar við sat. 

Atlético Madrid er í toppsætinu með 59 stig, Barcelona í öðru með 56 stig og Real í þriðja með 54 stig, en Atlético á leik til góða. 

mbl.is
Fleira áhugavert
Fleira áhugavert