AC Milan vann í dag 2:0-sigur á Hellas Verona á útivelli í ítölsku A-deildinni í fótbolta.
Hvorki Zlatan Ibrahimovic né Mario Mandzukic léku með Milan en í fjarveru þeirra skoruðu Rade Krunic og Diogo Dalot mörkin, en sá síðarnefndi er lánsmaður frá Manchester United.
Milan er í öðru sæti deildarinnar með 56 stig, þremur stigum minna en topplið Inter Mílanó sem á leik til góða.