Fóru taplausir í gegnum tímabilið

Yfirburðir lærisveina Steven Gerrard hjá Rangers voru gríðarlegir í skosku …
Yfirburðir lærisveina Steven Gerrard hjá Rangers voru gríðarlegir í skosku úrvalsdeildinni á tímabilinu. AFP

Skotlandsmeistarar Rangers í knattspyrnu karla náðu þeim eftirtektarverða árangri á tímabilinu að fara taplausir í gegnum skosku úrvalsdeildina.

Undir stjórn Stevens Gerrards vann liðið sér inn 102 stig í 38 leikjum og vann hvern einasta heimaleik sem það spilaði.

32 sigrar unnust og gerði liðið sex jafntefli. Það sem meira er um vert fékk liðið aðeins á sig 13 mörk í leikjunum 38.

Skotlandsmeistaratitillinn, sá fyrsti hjá Rangers í áratug, var tryggður eftir 31 leik í upphafi mars, slíkir voru yfirburðir liðsins allt tímabilið.

mbl.is