Samantha Mewis reyndist hetja Bandaríkjanna þegar liðið tók á móti Portúgal í vináttulandsleik kvenna í knattspyrnu í Houston í Bandaríkjunum í nótt.
Mewis skoraði sigurmark leiksins á 76. mínútu en leiknum lauk með 1:0-sigri Bandaríkjanna.
Bandaríska liðið er á ótrúlegu skriði en liðið tapaði síðast landsleik hinn 19. janúar árið 2019 gegn Frakklandi í Le Havre, 1:3.
Vlatko Andonovski stýrir bandaríska landsliðinu í dag en hann tók við liðinu af Jill Ellis sem lét af störfum í október 2019 en hún hafði þá stýrt liðinu í fimm ár.