Leikur Danmerkur og Finna, sem hófst klukkan 16 og var flautaður af undir lok fyrri hálfleiks eftir að Christian Eriksen hneig niður og þurfti á endurlífgun að halda, mun halda áfram klukkan 18:30 að beiðni leikmanna beggja liða.
Þetta kemur fram í tilkynningu frá UEFA.
Following the request made by players of both teams, UEFA has agreed to restart the match between Denmark and Finland tonight at 20:30 CET.
— UEFA EURO 2020 (@EURO2020) June 12, 2021
The last four minutes of the first half will be played, there will then be a 5-minute half-time break followed by the second half.
Ástæðan fyrir því að leikmenn beggja liða sjá sér fært um að klára leikinn í kvöld er sú að líðan Eriksens er stöðug og hann vakandi á ríkisspítalanum í Kaupmannahöfn, þar sem verið er að skoða hann nánar.
Eins og segir í tilkynningunni munu síðustu fjórar mínútur fyrri hálfleiks vera spilaðar, þá tekur við fimm mínútna leikhlé og síðari hálfleikurinn hefst svo.
Þessi frestun á leiknum breytir engu um áætlaða byrjun á leik Belgíu og Rússlands í B-riðli, sem Finnland og Danmörk eru einnig í, og hefst klukkan 19 í Sankti Pétursborg í Rússlandi.