Stuðningsmaður enska knattspyrnuliðsins Aston Villa sem slasaðist alvarlega á Wembley-leikvanginum í London í gær þegar leikur Englands og Króatíu í lokakeppni EM var nýhafinn er kominn af gjörgæslu.
Stuðningsmaðurinn, sem er kallaður Jon í breskum fjölmiðlum, var að koma fyrir fána á áhorfendapöllunum þegar hann hrapaði niður í heiðursstúku vallarins.
Birmingham Mail hefur eftir vinum hans að hann hafi mjaðmagrindarbrotnað, lærbrotnað og ökklabrotnað á báðum fótum.