Skotar án lykilmanns gegn Tékkum
Setja bókamerki
Kieran Tierney, leikmaður Arsenal, verður ekki með Skotum í fyrsta leik þeirra í lokakeppni Evrópumótsins, gegn Tékkum, sem hefst á Hampden Park í Glasgow klukkan 13.
Tierney er lykilmaður í liði Skotanna og ljóst að skarð hans er vandfyllt en hann er ekki í 23 manna hópi þeirra í leiknum í dag.
Skotar tefla fram miðjumönnum úr ensku úrvalsdeildinni, Scott McTominay frá Manchester United, John McGinn frá Aston Villa og Stuart Armstrong frá Southampton. Tékkar eru með tvo leikmenn úr sömu deild í byrjunarliðinu, miðjumanninn Tomás Soucek og varnarmannin Vladimír Coufal, en þeir leika báðir með West Ham.
Andy Robertson, vinstri bakvörður Liverpool, er fyrirliði Skota í dag en liðin tvö eru þannig skipuð:
Skotland: David Marshall – Grant Hanley, Liam Cooper, Jack Hendry – Stephen O'Donnell, Stuart Armstrong, John McGinn, Scott McTominay, Andy Robertson – Lyndon Dykes, Ryan Christie
Tékkland: Tomas Vaclik – Vladimir Coufal, Ondrej Celustka, Tomas Kalas, Jan Boril – Alex Kral, Tomas Soucek – Lukas Masopust, Vladimir Darida, Jakub Jankto – Patrik Schik
Liðin eru í D-riðli ásamt Englandi og Króatíu en England vann leik þeirra á Wembley í gær, 1:0.
„Á réttri leið en nokkuð í land ennþá“
Verðbólgan komin niður í 6%
„Það þarf að vinna mikinn fjölda upp“
„Okkur miðar í rétta átt“
Árshátíð ríkislögreglustjóra haldin í Tékklandi
Tveir í bílnum sem lenti utan vegar
Hernaðaraðstoð samþykkt – Vopnasendingar í vikunni