Knattspyrnumaðurinn Christian Eriksen hefur verið útskrifaður af Ríkissjúkrahúsinu í Kaupmannahöfn eftir að hafa farið í hjartastopp í leik Danmerkur og Finnlands í B-riðli Evrópumóts karla á Parken í Kaupmannahöfn á laugardaginn síðasta.

Þetta kom fram í tilkynningu sem danska knattspyrnusambandið sendi frá sér fyrir stuttu en Eriksen gekkst undir aðgerð í vikunni þar sem bjargráður var græddur í hjarta hans.

Nota þurfti hjartastuðtæki til þess að koma Eriksen aftur til meðvitundar í leiknum gegn Finnlandi en leiknum var frestað fram á kvöld vegna atviksins.

Mikið hefur verið rætt og ritað um atvikið síðan en Eriksen var fluttur með hraði á Ríkissjúkrahúsið í Kaupmannahöfn og hafði dvalið þar síðan.

Í tilkynningu danska knattspyrnusambandsins er fólk einnig hvatt til þess að veita Eriksen og fjölskyldu hans næði og svigrúm á þessum sérstöku tímum.

Tengdar fréttir

EM í fótbolta 2021

„Fyrsta merkið um hamingju“

• Lætur kynþáttaníð ekki brjóta sig niður
• Allt þetta „kemur heim“-dæmi hvatti okkur til dáða
• Hatrið mun aldrei sigra
• Schick skoraði fallegasta mark keppninnar

» Fleiri tengdar fréttir

• Blogga um frétt