Ítalía og Wales áfram – Tyrkland úr leik
Setja bókamerki
Ítalía og Wales eru komin áfram í sextán liða úrslit Evrópumóts karla í knattspyrnu en liðin mættust í A-riðli keppninnar í Róm á Ítalíu í lokaumferð riðlakeppninnar í dag.
Matteo Pessina skoraði sigurmark Ítala í 1:0-sigri liðsins á 39. mínútu en Walesverjar léku einum manni færri frá 55. mínútu þegar Ethan Ampadu fékk að líta beint rautt spjald fyrir ljótt brot.
Ítalir, sem voru komnir áfram fyrir leik dagsins, ljúka riðlakeppninni með 9 stig eða fullt hús stiga í efsta sæti riðilsins en Wales endar í öðru sætinu með 4 stig.
Þá vann Sviss 3:1-sigur gegn Tyrklandi í Bakú í Aserbaídsjan þar sem Haris Seferovic og Xherdan Shaqiri skoruðu mörk Sviss í fyrri hálfleik.
Irfan Kahveci minnkaði muninn fyrir Tyrki á 62. mínútu áður en Shaqiri bætti við þriðja marki Sviss á 68. mínútu og þar við sat.
Sviss lýkur riðlakeppninni með 4 stig í þriðja sæti riðilsins og mun það skýrast síðar í vikunni hvort liðið komist áfram í útsláttakeppnina.
Tyrkir eru hins vegar úr leik en liðið vann ekki leik á mótinu og endaði með sjö mörk í mínus.
Nauðgaði kærustu sinni og tók það upp
Hæstiréttur staðfestir vanhæfi alls Landsréttar
Segjast hafa skotið niður langdræga sprengjuvél
Myndskeið: Segjast hafa skotið niður sprengjuflugvél
Mun fara sparlega með málskotsréttinn
Gerir ráð fyrir 150 samningum í næstu viku