England er komið í átta liða úrslit Evrópumóts karla í knattspyrnu eftir sigur gegn Þýskalandi í sextán liða úrslitum keppninnar á Wembley í London í dag.
Leiknum lauk með 2:0-sigri enska liðsins en staðan að loknum fyrri hálfleik var markalaus, 0:0.
Fyrri hálfleikurinn var afar bragðdaufur og það var Þjóðverjinn Timo Werner sem fékk eina færi hálfleiksins þegar hann slapp einn í gegn en Jordan Pickford varði mjög vel frá honum.
Á 75. mínútu kom Raheem Sterling Englendingum yfir eftir frábæra sókn sem hann hóf sjálfur.
Sterling átti þá góðan sprett, sendi boltann á Harry Kane, sem lagði hann á Jack Grealish.
Grealish sendi boltann á Luke Shaw sem átti frábæra sendingu fyrir markið á Sterling sem skoraði af stuttu færi úr teignum og staðan orðin 1:0.
Thomas Müller fékk sannkallað dauðafæri til að jafna metin fyrir Þjóðverja sex mínútum síðar þegar hann slapp einn í gegn en skot hans fór rétt fram hjá markinu.
Það var svo Harry Kane sem innsiglaði sigur enska liðsins þegar hann skallaði boltann í netið af stuttu færi eftir frábæra fyrirgjöf Grealish og lokatölur því 2:0-fyrir England.
England mætir annaðhvort Svíþjóð eða Úkraínu í átta liða úrslitum hinn 3. júlí í Róm á Ítalíu en Þjóðverjar eru úr leik.
England | 2:0 | Þýskaland | Opna lýsingu Loka | |
---|---|---|---|---|
90. mín. Leon Goretzka (Þýskaland) á skot framhjá Goretzka með skot sem fer af Havertz og aftur fyrir. | ||||
Augnablik — sæki gögn... |