Argentínski knattspyrnustjórinn Mauricio Pochettino hefur framlengt samning sinn við París SG til ársins 2023.
Pochettino tók við Parísarliðinu í janúar og skrifaði fyrst um sinn undir átján mánaða samning við félagið.
Undir stjórn Pochettino varð PSG franskur bikarmeistari á síðustu leiktíð. Liðið þurfti hins vegar að sætta sig við annað sætið í deildinni á eftir Lille og tap fyrir Manchester City í undanúrslitum Meistaradeildarinnar.
Félagið hefur fengið til sín sterka leikmenn á síðustu vikum og mánuðum en Gianluigi Donnarumma, Sergio Ramos, Georginio Wijnaldum og Achraf Hakimi hafa allir gengið í raðir PSG að undanförnu. Paul Pogba, miðjumaður Manchester United, gæti bæst á þann list á komandi vikum.