Ítalska knattspyrnufélagið Spezia sem leikur í A-deildinni vill kaupa hinn 18 ára gamla Mikael Egil Ellertsson af B-deildarfélaginu SPAL, samkvæmt ítölskum fjölmiðlum.
Mikael hefur verið í röðum SPAL í þrjú ár en hann kom þangað frá Fram, og hefur leikið með unglingaliðum félagsins. Hann lék fyrsta æfingaleikinn með aðalliðinu á dögunum og skoraði þá þrennu í risasigri gegn neðrideildarliði.
Spezia hefur áhuga á að kaupa Mikael Egil Ellertsson og hefur SPAL samþykkt nýjasta kauptilboð félagsins, samkvæmt ítölskum fjölmiðlum. Hann gæti því spilað í Serie-A í vetur undir stjórn Thiago Motta.
— Björn Már Ólafsson (@bjornmaro) July 23, 2021