Messi yfirgefur Barcelona
Setja bókamerki
FC Barcelona tilkynnti í dag að Lionel Messi sé á förum frá félaginu en hann er með lausan samning.
Barcelona tókst sem sagt ekki að semja við Messi þrátt fyrir langar samningaviðræður í sumar. Í það minnsta lítur út fyrir að samningaviðræðurnar hafi siglt í strand.
Samningur Messi rann út 1. júlí í sumar en samkvæmt fjölmiðlum á Spáni þótti líklegt að Barcelona tækist að semja við Messi á ný. Sérstaklega þótti koma Sergio Aguero auka líkurnar á því að Messi yrði áfram.
Félaginu og Messi virðist ekki hafa tekist að ná saman um launamál en í tilkynningu frá félaginu er talað um fjárhagslegar hindranir.
FC Barcelona á í fjárhagserfiðleikum og Lionel Messi var á vægast sagt háum launum. Engu að síður var talið að hann myndi semja til ársins 2026 og taka á sig mikla launalækkun.
Messi hefur tíu sinnum orðið spænskur meistari með liðinu og sjö sinnum bikarmeistari. Liðið vann einnig Meistaradeildina fjórum sinnum á tíma hans hjá félaginu, síðast 2015.
Eyjafjarðarbraut lokað vegna alvarlegs umferðarslyss
Skemmtiferðaskip hætt komið nærri Viðey
Vélsleðaslys: Þyrlan kölluð út á mesta forgangi
Verðbólgan komin niður í 6%
Shakespeare fannst í skókassa
„Hvílir mikil leynd yfir þessu öllu“
Tveir í bílnum sem lenti utan vegar
Vona að Orkustofnun veiti ekki virkjunarleyfi