Bale frá næstu mánuðina

Knattspyrnumaðurinn Gareth Bale missir af næstu leikjum spænska stórliðsins Real Madríd eftir að hafa meiðst á æfingu en illa virðist ætla ganga hjá Walesverjanum að koma ferlinum aftur af stað í spænsku höfuðborginni.

Bale fór til Tottenham að láni á síðustu leiktíð og spilaði í ensku úrvalsdeildinni en er nú snúinn aftur til Real þar sem Carlo Ancelotti er orðinn þjálfari. Bale meiddist á fæti á æfingu um helgina og stefnir nú í að hann verði frá næstu átta vikurnar hið minnsta. Missir hann því meðal annars af stórleik Real Madríd og Barcelona í næsta mánuði.

• Blogga um frétt