Real Madrid tapaði stigum í toppbaráttunni í spænsku 1. deildinni í fótbolta er liðið þurfti að sætta sig við markalaust jafntefli við Villarreal í kvöld.
Þrátt fyrir jafnteflið er Real enn á toppi deildarinnar með 17 stig, þremur stigum meira en Sevilla sem á leik til góða.
Erkifjendur Real í Barcelona hafa ekki farið vel af stað og er liðið í áttunda sæti með níu stig.