Strømsgodset vann í dag 5:0-stórsigur á heimavelli gegn Sarpsborg í norsku úrvalsdeildinni í fótbolta.
Ari Leifsson lék allan leikinn með Strømsgodset og skoraði fjórða markið á 60. mínútu. Markið er það fyrsta sem Ari skorar fyrir Strømsgodset og það fyrsta sem hann skorar sem atvinnumaður.
Valdimar Þór Ingimundarson kom inn á sem varamaður á 62. mínútu hjá Strømsgodset og nældi sér í gult spjald á 89. mínútu.
Strømsgodset er í sjöunda sæti deildarinnar með 28 stig, tíu stigum frá toppliði Bodø/Glimt.