Jón Dagur Þorsteinsson reyndist hetja AGF þegar liðið tók á móti SønderjyskE í dönsku úrvalsdeildinni í knattspyrnu á heimavelli í kvöld.
Leiknum lauk með 1:0-sigri AGF en Jón Dagur skoraði sigurmark leiksins á 35. mínútu.
Mikael Anderson var í byrjunarliði AGF en fór af velli á 65. mínútu. Þá kom Kristófer Ingi Kristinsson inn á sem varamaður hjá SønderjyskE á 73. mínútu.
AGF fer með sigrinum upp í sjöunda sæti deildarinnar í 12 stig en SønderjyskE er í verri málum í ellefta og næstneðsta sætinu með 8 stig.