Stórsigur Liverpool í Portúgal - Dramatík í Mílanó

Liverpool er með fullt hús stiga eftir tvo leiki í riðlakeppni Meistaradeildar Evrópu í fótbolta en enska liðið vann öruggan 5:1-sigur á Porto á útivelli í kvöld.

Liverpool var töluvert sterkari aðilinn og fór með verðskuldað 2:0-forskot inn í hálfleikinn. Mo Salah skoraði fyrra markið á 18. mínútu er hann nýtti sér varnarmistök til að skora auðvelt mark.

Liverpool hélt áfram að sækja og annað markið kom loks á 45. mínútu er Sadio Mané skoraði af stuttu færi eftir fyrirgjöf frá James Milner. Porto komst lítið áleiðis í sínum sóknaraðgerðum og reyndi lítið sem ekkert á Alisson í marki Liverpool í hálfleiknum.

Enska liðið var áfram sterkara í seinni hálfleik og þriðja markið og annað markið hjá Mo Salah kom á 60. mínútu er Egyptinn skoraði af öryggi eftir snögga sókn og sendingu frá Curtis Jones.

Porto minnkaði muninn á 74. mínútu þegar Mehdi Taremi skoraði af stuttu færi. Við það vöknuðu leikmenn Liverpool aftur og sérstaklega varamaðurinn Roberto Firmino því hann bætti við mörkum á 77. og 81. mínútu og gulltryggði 5:1-stórsigur.

Í sama riðli var mikil dramatík er Atlético Madrid heimsótti AC Milan. Rafael Leao kom Milan yfir á 20. mínútu en liðsfélagi hans Franck Kessié fékk sitt annað gula spjald og þar með rautt á 29. mínútu. Þrátt fyrir það var staðan í hálfleik 1:0.

Atlético nýtti sér liðsmuninn undir lokin því Antoine Griezmann jafnaði á 84. mínútu og Lúis Suárez skoraði sigurmarkið úr víti á sjöundu mínútu uppbótartímans. Atlético Madrid er í öðru sæti riðilsins með fjögur stig en AC Milan er aðeins með eitt stig.

Lionel Messi og Idrissa Gueye fagna marki gegn Manchester City. AFP

Porto	1:5	Liverpool	Opna lýsingu Loka
90. mín. Sheriff var að skora á 90. mínútu á útivelli gegn Real Madrid! Staðan 2:1 fyrir Sheriff.
Augnablik — sæki gögn...

• Blogga um frétt