Fyrsti sigur Barcelona í Meistaradeildinni

Gerard Pique fagnar marki sínu ásamt liðsfélögum sínum.
Gerard Pique fagnar marki sínu ásamt liðsfélögum sínum. AFP

Gerard Pique reyndist hetja Barcelona þegar liðið tók á móti Dynamo Kiev í E-riðli Meistaradeilar Evrópu í knattspyrnu í Barcelona í kvöld.

Leiknum lauk með 1:0-sigri Barcelona en Pique skoraði sigurmark leiksins á 36. mínútu.

Þetta var fyrsti sigur Barcelona í Meistaradeildinni á tímabilinu en liðið er með 3 stig í þriðja sæti riðilsins.

Bayern München er í efsta sætinu með 6 stig, Benfica er með 4 stig og Dynamo Kiev 1 stig en Bayern München og Benfica mætast síðar í kvöld.

mbl.is
Fleira áhugavert
Fleira áhugavert