Marokkó áfram - Gana úr leik

Marokkó tryggði sér sigur í C-riðli Afríkumótsins í knattspyrnu með 2:2-jafntefli gegn Gabon í Kamerún í kvöld.

Það voru þeir Sofiane Boufal og Achraf Hakimi sem skoruðu mörk Marokkó sem lenti tvívegis undir í leiknum.

Marokkó endaði í efsta sæti riðilsins með 7 stig en Gabon hafnaði í öðru sæti með 5 stig.

Kómoreyjar höfnuðu í þriðja sæti riðilsins með 3 stig og eiga möguleika á því að fara áfram í sextán-liða úrslitin sem eitt fjögurra liða með bestan árangur í þriðja sæti.

Gana er hins vegar úr leik eftir að hafa endað í neðsta sæti riðilsins með einungis 1 stig í þremur leikjum.

• Blogga um frétt