Ísland tapaði stórt gegn Spáni

Ísabella Sara Tryggvadóttir í leik með 16 ára landsliðinu gegn …
Ísabella Sara Tryggvadóttir í leik með 16 ára landsliðinu gegn Sviss. mbl.is/Eggert Jóhannesson

Ísland tapaði 5:1 gegn Spáni á UEFA-móti 16 ára landsliða kvenna í knattspyrnu í dag. Mótið fer fram í Portúgal.

Það var Ísabella Sara Tryggvadóttir leikmaður KR sem skoraði mark Íslands.

Ísland tapaði fyrsta leik sínum í mótinu 2:1 gegn Portúgal og er því án stiga eftir tvo leiki.

Liðið mætir Austurríki í næsta leik á þriðjudag en það er jafnframt síðasti leikur liðsins í mótinu.

mbl.is