Ögmundur Kristinsson fékk langþráð tækifæri í marki Grikklandsmeistara Olympiacos þegar liðið vann góðan 3:2-útisigur á AEK frá Aþenu þegar lokaumferð efstu deildarinnar þar í landi fór fram í kvöld.
Ögmundur lék nánast allan leikinn í marki Olympiacos, var skipt af velli á 90. mínútu, og var um að ræða fyrsta og eina deildarleik hans fyrir Olympiacos á tímabilinu.
Áður var hann búinn að spila þrjá bikarleiki á tímabilinu.
Sverrir Ingi Ingason lék þá rétt rúman klukkutíma í miðri vörn PAOK og lagði upp annað marka liðsins í 2:0-sigri á Panathinaikos.
Sverrir Ingi lagði upp fyrra mark leiksins fyrir Stefan Schwab á 14. mínútu.
Með sigrinum gylltryggði PAOK annað sæti deildarinnar.