Íslendingaliðin Brann og Vålerenga eru komin áfram í 3. umferð norsku bikarkeppninnar í knattspyrnu eftir stórsigra í dag.
Svava Rós Guðmundsdóttir var á skotskónum og skoraði eitt mark fyrir Brann sem vann 12:0-útisigur gegn Loddefjord en Svava Rós kom inn á sem varamaður hjá Brann í leiknum.
Berglind Björg Þorvaldsdóttir lék ekki með Brann vegna meiðsla.
Þá lék Ingibjörg Sigurðardóttir fyrri hálfleikinn með Vålerenga sem vann 9:0-útisigur gegn Fart.