Brasilíski varnartengiliðurinn Fabinho og enski varnarmaðurinn Joe Gomez æfðu báðir með Liverpool í morgun. Spænski miðjumaðurinn Thiago var hins vegar hvergi sjáanlegur.
Fabinho fór meiddur af velli í fyrri hálfleik gegn Aston Villa í ensku úrvalsdeildinni vegna eymsla aftan í læ og missti því af síðustu tveimur deildarleikjum liðsins og bikarúrslitaleiknum gegn Chelsea um þarsíðustu helgi.
Gomez meiddist þá á ökkla í næstsíðasta deildarleik Liverpool gegn Southampton.
Báðir æfðu þeir í morgun en eru í kapphlaupi við tímann um að verða 100 prósent reiðubúnir fyrir úrslitaleik Meistaradeildar Evrópu gegn Real Madríd næstkomandi laugardagskvöld.
Lykilmaðurinn Thiago, sem fór meiddur af velli í hálfleik í lokaleik Liverpool í deildinni síðastliðinn sunnudag, er sömuleiðis í kapphlaupi.
Hann æfði ekki í morgun og er hann því sem stendur ólíklegastur af þremenningunum að verða klár í slaginn í tæka tíð fyrir laugardaginn.