Enska knattspyrnufélagið Aston Villa hefur gengið frá kaupum á hinum brasilíska Diego Carlos. Villa greiðir Sevilla um 26 milljónir punda fyrir leikmanninn.
Carlos verður annar leikmaðurinn sem Villa fær til sín fyrir næstu leiktíð en Boubacar Kamara kom til félagsins frá Marseille á dögunum.
Carlos hefur leikið 79 deildarleiki fyrir Sevilla frá árinu 2019 en spænska félagið keypti hann af Nantes í Frakklandi, þar sem hann spilaði 97 leiki á þremur árum.