Þorleifur Úlfarsson lagði upp mark Houston Dynamo í 1:2 tapi gegn Portland Timbers í bandarísku MLS-deildinni í fótbolta í Portland í nótt.
Þorleifur spilaði allan leikinn og lagði upp markið fyrir Darwin Quintero á 65. mínútu.
Houston missir Portland fyrir ofan sig eftir tapið í nótt og er í níunda sæti með 21 stig í Vesturdeildinni.
Róbert Orri Þorkelsson kom inn á sem varamaður á 76. mínútu er lið hans CF Montréal lagði Seattle Sounders að velli 2:1.
Montréal er efst í Austurdeildinni með 29 stig.