Andri Fannar Baldursson landsliðsmaður í knattspyrnu hefur verið lánaður frá Bologna á Ítalíu til hollenska úrvalsdeildarliðsins NEC Nijmegen.
Andri, sem er tvítugur, hefur leikið 15 leiki fyrir Bologna í ítölsku A-deildinni en var í láni hjá FC Köbenhavn í Danmörku á síðasta tímabili. Þar lék hann aðeins þrjá leiki í úrvalsdeildinni og missti nokkuð úr vegna meiðsla.
Andri hefur leikið níu A-landsleiki fyrir Íslands hönd en hann spilaði með 21-árs landsliðinu í sigurleikjunum þremur í undankeppni EM í síðasta mánuði.
NEC Nijmegen hafnaði í ellefta sæti af átján liðum í hollensku úrvalsdeildinni á síðasta tímabili. Þrír Íslendingar hafa leikið með aðalliði félagsins, allir á árunum 2012 til 2015, en það eru Guðlaugur Victor Pálsson, Kristján Gauti Emilsson og Hannes Þór Halldórsson. Þá léku Adam Örn Arnarson og Daði Bergsson um svipað leyti með unglinga- og varaliðum félagsins.
𝑭𝒊𝒓𝒔𝒕 𝒕𝒓𝒂𝒊𝒏𝒊𝒏𝒈 🌱
— N.E.C. Nijmegen (@necnijmegen) July 6, 2022
Afgelopen maandag trainde Andri voor het eerst mee met de Nijmeegse selectie.
Check hier de foto's! 📸#VelkominnAndri pic.twitter.com/yFCKWfbAYx
Andri Fannar Baldursson signs for @necnijmegen on loan from Bologna. Congrats 📄✍🏼🇮🇸👌 pic.twitter.com/YtIdCd6qxb
— Magnus Agnar Magnusson (@totalfl) July 6, 2022