Nimes hafði betur gegn Rodez, 1:0, á heimavelli í frönsku B-deildinni í fótbolta í kvöld.
Elías Már Ómarsson var í byrjunarliði Nimes og hann gerði sigurmarkið á 62. mínútu. Aðeins tveimur mínútum síðar var framherjinn tekinn af velli.
Sigurinn er sá fyrsti hjá Nimes á leiktíðinni, en liðið var með eitt stig eftir tvo leiki fyrir leikinn.
Markið er það fyrsta hjá Elíasi á leiktíðinni, í fyrsta byrjunarliðsleiknum. Hann skoraði sex mörk í deildinni á síðustu leiktíð með Nimes.