Enska knattspyrnufélagið West Bromwich Albion hefur í samráði við kvennalið félagsins tekið ákvörðun um að það leiki framvegis í dökkbláum stuttbuxum í stað hvítra.
Treyja WBA er með dökkbláum og hvítum röndum þar sem liðið hefur klæðst hvítum stuttbuxum við.
Ákvörðun félagsins um að skipta yfir í dökkbláar stuttbuxur snýr að tíðum kvenkyns leikmanna.
„Að klæðast hvítu á meðan blæðingum stendur er vandi sem konur í öllum íþróttum standa frammi fyrir og hafa vakið athygli á.
Eftir að hafa ráðfært okkur í einu og öllu við leikmenn kvennaliðsins mun það klæðast dökkbláum stuttbuxum við heimatreyjur sínar það sem eftir er af tímabilinu 2022/2023 og framvegis,“ sagði í tilkynningu frá kvennaliðinu á Twitter-aðgangi þess.
Kvennalið WBA leikur í þriðju efstu deild á Englandi.
Wearing white clothing while on a period is an issue that has been highlighted by women across all sports.
— West Bromwich Albion (@WBA) September 29, 2022
Following full consultation with the playing squad, @WBAWomen will wear navy shorts with their home kit for the remainder of the 2022/23 season and beyond. 💙