Bresku liðin í úrslit umspilsins

Jessica Fishlock, hetja Wales, í baráttunni við Söru Björk Gunnarsdóttur. …
Jessica Fishlock, hetja Wales, í baráttunni við Söru Björk Gunnarsdóttur. Þær leika báðar í úrslitum umspilsins. AFP

Wales og Skotland tryggðu sér í kvöld sæti í úrslitum í umspili um sæti á lokamóti heimsmeistaramóts kvenna í fótbolta eftir sigra í framlengdum leikjum.

Wales hafði betur gegn Bosníu á heimavelli, 1:0. Jessica Fishlock skoraði sigurmarkið í uppbótartíma fyrri hálfleiks framlengingarinnar.

Skotland vann Austurríki með sömu markatölu. Abigail Harrison gerði sigurmark Skotlands á fyrstu mínútu framlengingarinnar.

Skotland mætir Írlandi á heimavelli í úrslitum umspilsins og Wales mætir Sviss á útivelli.  

mbl.is
Fleira áhugavert
Fleira áhugavert