Knattspyrnumaðurinn Kyle Walker gæti misst af heimsmeistaramótinu í Katar vegna meiðsla, en hann gekkst undir aðgerð á nára í vikunni.
Walker þurfti að fara af velli vegna meiðslanna er hann og liðsfélagar hans í Manchester City unnu 6:3-heimasigur á Manchester United í ensku úrvalsdeildinni á sunnudag.
Ekki er víst hve lengi hann verður frá vegna meiðslanna, en ljóst er að þátttaka hans á heimsmeistaramótinu er í óvissu.
Gareth Southgate, landsliðsþjálfari Englendinga, tilkynnir hópinn fyrir HM þann 20. október næstkomandi. Fyrsti leikur Englands á HM er gegn Íran 12. nóvember.