Allt sauð upp úr eftir venjulegan leiktíma í leik Zenit frá Sankti Pétursborg og Spartak frá Moskvu í rússneska bikarnum í gær. Lætin virðast hafa hafist eftir orðaskipti Kólumbíumannsins, Wilmar Barrios í liði Zenit og Hollendingsins, Quincy Promes í liði Spartak.
Nánast um leið og þeim lenti saman skárust fleiri í leikinn og úr urðu heiftúðleg hópslagsmál áður en vítaspyrnukeppni hófst en staðan var markalaus eftir venjulegan leiktíma.
Þrír leikmenn úr hvoru liði fengu að líta rauða spjaldið í kjölfarið og það er ekki víst að allir hlutaðeigandi hafi gengið heilir af leikvelli.
Zenit hafði betur 4:2 í vítaspyrnukeppninni.
Ótrúlegar svipmyndir frá atvikinu er að finna hér að neðan.
Zenit vs Spartak today got seriously out of hand… 😳pic.twitter.com/xSisfaSGq9
— SPORTbible (@sportbible) November 27, 2022