Knattspyrnukonan Hildur Antonsdóttir skoraði í kvöld sitt fyrsta mark í hollensku úrvalsdeildinni í fótbolta.
Hildur kom Fortuna Sittard yfir í 2:1 gegn Telstar á heimavelli á 69. mínútu. Því miður fyrir Hildi var markið ekki sigurmark, því Telstar jafnaði í uppbótartíma.
Hildur og stöllur eru í þriðja sæti deildarinnar með 19 stig. Telstar er í botnsætinu með tvö stig, og var jöfnunarmarkið því högg fyrir Fortuna Sittard.
Hildur kom til félagsins fyrir leiktíðina frá Breiðabliki og var hún að leika sinn áttunda leik í hollensku úrvalsdeildinni. Hún lék allan leikinn.