Systir mín er besta knattspyrnukona heims
Setja bókamerki
Knattspyrnumaðurinn Reece James hefur mikla trú á yngri systur sinni Lauren James og telur hana einfaldlega vera bestu knattspyrnukonu heims.
Systkinin leika bæði fyrir Chelsea og enska landsliðið en Reece er 23 ára gamall og Lauren 21 árs.
„Ég er gífurlega stoltur af henni. Hún veitir mér innblástur á hverjum degi og mun gera áfram.
Ég tel hana vera besta kvenkyns knattspyrnumann í heimi og að hún verði það næstu 10-15 ár, án nokkurs vafa.
Hún er tæknilega betri en sumir leikmenn í ensku úrvalsdeildinni [í knattspyrnu karla],“ skrifaði Reece á Twitteraðgangi sínum í vikunni er hann svaraði spurningum aðdáenda.
Lauren vakti athygli fyrir vasklega framgöngu með Manchester United þar sem hún skoraði 22 mörk í 40 deildarleikjum í næstefstu og efstu deild.
Var hún svo keypt til Chelsea sumarið 2021 og varð deildar- og bikarmeistari með liðinu á sínu fyrsta tímabili með því.
Kostnaður meiri en milljón á fermetra
„Höfum ekki náð að skríða upp úr þeirri gryfju“
Eyjafjarðarbraut lokað vegna alvarlegs umferðarslyss
Árshátíð ríkislögreglustjóra haldin í Tékklandi
„Það þarf að vinna mikinn fjölda upp“
Skiptir miklu meira máli en fólk grunar
Gígbarmurinn hækkað frá því í gær