Skoska knattspyrnufélagið Celtic hefur keypt Kanadamanninn Alistair Johnston á 3.5 milljónir punda frá CF Montréal í MLS-deildinni.
Johnston, sem er24 ára gamall hægri bakvörður, skrifar undir fimm ára samning hjá félaginu. Hann lék hverja einustu mínútu fyrir Kanada, sem hefur lokið keppni, á heimsmeistaramótinu í Katar. Johnston lék vel og skoska félagið var ekki lengi að næla sér í hann.
Celtic er í þægilegri stöðu á toppi skosku úrvalsdeildarinnar með 42 stig, níu meira en erkifjendurnir í Rangers.