Forráðamenn danska knattspyrnufélagsins Köbenhavn höfnuðu stóru tilboði í íslenska landsliðsmanninn Hákon Arnar Haraldsson á dögunum.
Það er danski miðillinn Ekstra Bladet sem greinir frá þessu en tilboðið, sem kom frá austurríska meistaraliðinu Red Bull Salzburg, hljóðaði upp á 100 milljónir danskra króna eða 2,1 milljarði íslenskra króna.
Hákon Arnar, sem er einungis 19 ára gamall, gekk til liðs við danska félagið frá uppeldisfélagi sínu ÍA sumarið 2019.
Hann á að baki 40 leiki fyrir Köbenhavn í öllum keppnum þar sem hann hefur skorað sex mörk og lagt upp önnur fimm til viðbótar. Þá á hann að baki 7 A-landsleiki fyrir Ísland.
Hákon Arnar var útnefndur knattspyrnumaður ársins 2022 hjá Knattspyrnusambandi Íslands.