Dagný Brynjarsdóttir skoraði fyrra mark West Ham er liðið vann Wolves, 2:0, á útivelli í fjórðu umferð enska bikarsins í knattspynu í dag.
Dagný byrjaði á varamannabekk West Ham í leiknum en kom inná á 65. mínútu. Einungis sex mínútum síðar var hún svo búin að koma West Ham yfir. Liðið tvöfaldaði svo forystuna á 75. mínútu en Katie Johnson leikmaður Wolves varð þá fyrir því óláni að skora sjálfsmark.
West Ham verður því í pottinum þegar dregið verður í fimmtu umferð keppninnar en Wolves er úr leik.