Neil Etheridge, markvörður Birmingham City, kveðst hafa orðið fyrir kynþáttaníði af hendi stuðningsmanna Blackburn Rovers þegar liðin áttust við í ensku bikarkeppninni í knattspyrnu í gær.
Birmingham jafnaði metin í 2:2 í uppbótartíma og um það leyti var ókvæðisorðum beint að Etheridge, sem er landsliðsmarkvörður Filippseyja.
Hann lét dómara leiksins vita, sem skráði atvikið í skýrslu sína.
Hefur enska knattspyrnusambandið þegar hafið rannsókn á málinu í samvinnu við félögin tvö og lögregluyfirvöld.