Hálfíslenski knattspyrnumaðurinn Diego Jóhannesson sem hefur leikið allan sinn feril á Spáni er búinn að gangast undir aðra aðgerð á hné en hann hefur verið frá keppni síðan í mars 2022.
Diego fór þá í uppskurð vegna meiðsla í hné og spilaði ekki meira á síðasta ári. Hann var kominn inn í leikmannahóp liðs síns, Albacete, í spænsku B-deildinni rétt fyrir jól en síðan tóku meiðslin sig upp á ný.
Diego skýrði frá þessu á Twitter þar sem fram kemur að hann hefur átt við óþægindi að stríða í hnénu undanfarna mánuði.
Diego er 29 ára gamall, leikur sem hægri bakvörður, og lék þrjá A-landsleiki fyrir Íslands hönd á árunum 2016 og 2017. Hann lék með Real Oviedo í B- og C-deildunum á árunum 2014 til 2021 en fór þá til Albacete sem var í C-deildinni en vann sér B-deildarsæti síðasta vor.
Hoy quería decir que he tenido que volver a pasar por quirófano para solucionar unas molestias que llevo teniendo desde hace meses en mi rodilla. Gracias al @albacetebp y @quironsalud por poner todos los medios posibles para recuperarme completamente. Seguimos en la pelea!! 💪⚽️ pic.twitter.com/V6IOyjjrGJ
— Diego Johannesson (@diegui_johan) February 7, 2023