Knattspyrnumaðurinn fyrrverandi Volkan Kahraman var skotinn til bana í Vínarborg í gær.
Kahraman lék á sínum tíma þrjá landsleiki fyrir Austurríki og lék með liðum í heimlandinu, Tyrklandi, Grikklandi og Hollandi.
Skotmaðurinn, sem var áður viðskiptafélagi Kahraman, skaut sjálfan sig til bana, eftir að hann banaði Kahraman.
Lögreglan var kölluð á vettvang klukkan 23.40 í gærkvöldi en endurlífgunartilraunir báru ekki árangur. Kahraman var aðeins 43 ára.