„Ég prófaði aðeins handbolta og körfubolta en pabbi var ósáttur með það og sagði mér að ég ætti að einbeita mér að einni íþrótt,“ sagði knattspyrnumaðurinn Viðar Örn Kjartansson í Dagmálum.
Viðar Örn, sem er 33 ára, hefur verið atvinnumaður frá árinu 2013 en hann er fæddur og uppalinn á Selfossi.
„Ég fór aðeins í skákina líka og varð frekar lunkinn í henni á stuttum tíma,“ sagði Viðar Örn.
„Ég var í kringum 12, 13 ára aldurinn, en stelpunum fannst það ekki alveg nógu kúl þannig að ég ákvað að hætta,“ sagði Viðar Örn meðal annars við.
Viðtalið við Viðar Örn í heild sinni má nálgast með því að smella hér eða á hlekkinn hér fyrir ofan.