Mögnuð umsókn Sáda um HM (myndskeið)

Sádí-Arabía sækist eftir því að halda heimsmeistaramótið í fótbolta 2034. Óhætt er að segja að áætlanir Sáda fyrir mótið séu háleitar.

Sádí-Arabía eru eina þjóðin sem sótt hefur um að halda mótið en fresturinn rann út í október á síðasta ári. Þrátt fyrir það er ekki búið að staðfesta að HM fari fram í landinu en miðað við kynningarmyndband sem gefið var út í gær stendur til að halda flottasta heimsmeistaramót sögunnar.

Saudi2034bid.com birtir áætlun landsins um framkvæmd mótsins en þar kemur fram að leikið verði í fimm borgum á fimmtán völlum. Þar af eru fjórir vellir þegar tilbúnir, þrír eru í byggingarferli og átta nýir leikvangar verði byggðir fyrir keppnina.

Magnað kynningarmyndband Sádana má sjá hér að neðan.

• Blogga um frétt