Alonso gæti reynst dýr

Knattspyrnustjórinn Xabi Alonso er efstur á óskalista spænska stórveldisins Real Madrid sem eftirmaður starfsbróðurs síns Carlo Ancelotti.

Ancelotti mun að öllum líkindum hætta sem stjóri Evrópu- og Spánarmeistara Real Madrid eftir tímabilið. Er Real því nú þegar farið að leita að eftirmönnum og er Alonso, sem lék á sínum tíma með liðinu í mörg ár, efstur á óskalistanum.

Alonso hefur gert frábæra hluti með Leverkusen sem vann þýsku deildina og bikarinn á síðustu leiktíð.

Alonso er á samningi hjá Leverkusen og til að fá hann næsta sumar þyrfti Real Madrid að greiða 15 til 20 milljónir evra til þýska félagsins samkvæmt SkySports.

Frétt af mbl.is

Ancelotti mun klára mánuðinn

• Blogga um frétt