Missti gjörsamlega stjórn á skapi sínu
Setja bókamerki
Þjóðverjinn Antonio Rüdiger missti gjörsamlega stjórn á skapi sínu í tapi Real Madrid fyrir Barcelona, 3:2, í úrslitaleik spænska bikarsins í knattspyrnu í Sevilla í gærkvöldi.
Rüdiger fór af velli fyrir framherjann Endrick þegar staðan var 2:2 í framlengingunni en Jules Koundé skoraði síðan sigurmark Börsunga á 116. mínútu.
/frimg/1/56/35/1563522.jpg)
Kylian Mbappé var að keyra upp í lokasókn Madridinga en þá sló hann frá sér í andlit Eric Garcia leikmanns Barcelona og dómarinn Ricardo De Burgos Bengoetxea dæmdi aukaspyrnu.
Þá trompaðist bekkur Real Madrid og lét öllum illum látum. Í aðdraganda leiksins voru Madridingar búnir að saka dómarann um að vera á móti sér og hótuðu meðal annars að spila ekki leikinn ef hann dæmdi.
Rüdiger gekk manna lengst í ólátunum og fleygði einhverju í átt að dómaranum. Fyrir það fékk hann beint rautt spjald en þá brjálaðist hann enn meira og leit út fyrir að hann ætlaði að fara í dómarann, en starfsmenn Real Madrid stöðvuðu hann af.
Rüdiger gæti átt yfir höfði sér langt bann fyrir sína framkomu en hann hefur beðist afsökunar.
Fullorðnir karlmenn sem slösuðust í sprengingunni
„Í grunninn erum við bara litlir hræddir strákar í fangelsi“
Börn með alvarlegri vanda bíða lengur
Ítrekað sektaður fyrir að leggja í einkastæði sínu
Undanþágur verði felldar úr gildi
/frimg/1/56/92/1569206.jpg)
Syrgjendur kærðu til eftirlitsnefndar
1,5 milljarðar í endurgreiðslur í ár
Einn er látinn eftir eldinn á Hjarðarhaga