Napoli ákveðið í að fá Nunez

Úrúgvæski framherjinn Darwin Nunez, leikmaður Liverpool, er sá leikmaður sem Ítalíumeistarar Napoli eru að leggja alla áherslu á að fá í sumar.

Félagaskiptasérfræðingurinn Fabrizio Romano staðfestir þetta á samfélagsmiðlinum X og segir hann að viðræður milli Napoli og Liverpool muni halda áfram í næstu viku.

Nunez kom frá portúgalska liðinu Benfica til Liverpool fyrir tímabilið 2022-23 og hefur hann ekki náð að standast væntingar hjá meistaraliði Liverpool. Hann hefur spilað 143 leiki fyrir Liverpool og skorað í þeim 40 mörk og gefið 22 stoðsendingar.

Liverpool borgaði 85 milljónir á sínum tíma fyrir Nunez en talið er að félagið vilji fá að minnsta kosti helminginn af þeirri upphæð þegar það selur Úrúgvæjann.

• Blogga um frétt