Portúgalski knattspyrnumaðurinn Diogo Jota verður jarðsunginn í dag, tveimur dögum eftir að hann lést í bílslysi við bæinn Cernadilla í Zamora-héraði á Spáni, 28 ára að aldri.

Jota var samningsbundinn Liverpool í ensku úrvalsdeildinni og var á leið til Santander á Norður-Spáni til að taka ferju þaðan til Englands en læknar höfðu ráðlagt honum að fljúga ekki aftur til Englands þar sem hann var nýbúinn að gangast undir aðgerð.

Kistulagningin fór fram í gær þar sem fjöldi fyrrverandi og núverandi leikmanna Liverpool mættu ásamt liðsfélögum hans í portúgalska landsliðinu. 

Kistulagningin fór fram fyrir luktum dyrum í Gondomar, úthverfi Porto, í Portúgal en kapellan í Gandomar var síðar opnuð þar sem almenningi gafst kostur á að kveðja knattspyrnumanninn.

Jota verður svo jarðsunginn í Gondomar í dag og hefst athöfnin klukkan 9 að staðartíma en Luís Filipe Montenegro, forsætisráðherra Portúgals, hefur boðað komu sína í jarðarförina.

Tengdar fréttir

Diogo Jota látinn

Tilfinningaríkir liðsfélagar minntust Jota

• Jota keyrði líklegast yfir hámarkshraða
• Þáttur til minningar um Jota
• Minnast Jota fyrir leik Íslands
• Gagnrýna Ronaldo fyrir að mæta ekki í útförina

» Fleiri tengdar fréttir

• Blogga um frétt